Көктемнің келуімен, әсіресе сәуір айынан бастап, кене белсенділігі артады. Бұл кезеңде табиғатқа шығу, саябақта серуендеу немесе саяжайда жұмыс істеу кезінде кене шағу қаупі жоғарылайды.

            Кененің қауіптілігі оның шағуында ғана емес, сонымен қатар түрлі жұқпалы ауруларды тасымалдауында. Солардың ішінде ең жиі кездесетіндері — кене энцефалиті және Лайм ауруы.

Кенелер қай жерде кездеседі?

            Көпшілік кенелер тек орманда болады деп ойлайды. Алайда оларды келесі жерлерден де кездестіруге болады:

• қалалық саябақтар мен скверлерде,
• биік шөп арасында,
• саяжай аумақтарында,
• бұталар мен көлеңкелі жерлерде.

Кенелердің ең белсенді кезеңі — сәуір–маусым айлары.

Өзіңізді қалай қорғауға болады?

            Кене шағу қаупін азайту үшін қарапайым сақтық шараларын ұстану маңызды:

• табиғатқа шыққанда жабық киім кию,
• арнайы репеллент құралдарын қолдану,
• биік шөптен аулақ болу,
• серуеннен кейін денені және киімді мұқият тексеру.

Балаларға ерекше көңіл бөлу қажет, себебі олар қауіп тобына жиі жатады.

Кене шаққан жағдайда не істеу керек?

            Егер денеңізден кенені байқасаңыз:

• оны өз бетіңізше жұлып алуға асықпаңыз,
• май немесе басқа сұйықтықтарды қолданбаңыз,
• мүмкіндігінше тезірек медициналық көмекке жүгініңіз.

Кенені дұрыс және уақтылы алу — инфекция жұқтыру қаупін азайтады.

Қашан дәрігерге қаралу қажет?

            Келесі жағдайларда міндетті түрде дәрігерге жүгіну керек:

• кене шаққаннан кейін бірден,
• дене қызуы көтерілсе,
• әлсіздік немесе басқа белгілер пайда болса,
• шаққан жерде қызару немесе өзгерістер байқалса.

Уақытылы диагностика аурудың алдын алып, ерте кезеңде ем бастауға мүмкіндік береді.

            Маңызды

            Кене маусымы — жыл сайын қайталанатын табиғи құбылыс. Дегенмен қарапайым сақтық шараларын сақтау және дер кезінде дәрігерге қаралу арқылы қауіпті барынша азайтуға болады.