Көптеген аурулар алғашқы кезеңде ешқандай белгісіз өтеді. Адам өзін жақсы сезінгенімен, ағзада аурудың дамуы басталып кетуі мүмкін. Сондықтан денсаулықты сақтаудың ең тиімді тәсілдерінің бірі – скринингтік тексерулерден уақытылы өту.

Скрининг дегеніміз не?

Скрининг – бұл белгілі бір жастағы дені сау адамдар арасында ауруларды ерте кезеңде анықтауға арналған профилактикалық тексеру.

Оның негізгі мақсаты – ауруды алғашқы сатысында анықтап, дер кезінде емдеуді бастау. Ерте анықталған ауруды емдеу жеңіл болады және асқынулардың алдын алуға мүмкіндік береді.

Скринингтен өтудің қандай пайдасы бар?

✔ Ауруларды белгілері пайда болмай тұрып анықтайды.

✔ Қатерлі ісік, қант диабеті, жүрек-қан тамырлары аурулары сияқты сырқаттарды ерте кезеңде анықтауға мүмкіндік береді.

✔ Асқынулардың және мүгедектіктің алдын алады.

✔ Емнің тиімділігін арттырады.

✔ Өмір сүру сапасы мен ұзақтығын жақсартады.

Скринингке қалай дайындалу керек?

Кейбір зерттеулер арнайы дайындықты қажет етеді. Сондықтан медициналық ұйым берген нұсқаулықтарды алдын ала нақтылап алған жөн.

Денсаулық – өз қолыңызда

Көптеген ауыр аурулардың алдын алуға немесе оларды ерте анықтауға болады. Ол үшін дәрігерге тек ауырған кезде ғана емес, профилактикалық тексерулерден өту үшін де уақытылы қаралған маңызды.

Уақытында өткен скрининг – денсаулықты сақтаудың және ұзақ өмір сүрудің маңызды қадамы.